Veiði á Skagaheiði & gisting á Skagaströnd

Frábært hús við tjaldsvæðið

Hafið samband við Jón

Jón Garðar Sveinsson getur gefið ykkur tilboð í veiði & gistingu. Jón Garðar þekkir Skagaheiði eins og puttann á sér og kemur aldrei fisklaus úr veiðitúr.

Einnig leigir hann út húsin Stuðlaberg og Hólaberg en þau eru innflutt hús frá Victory Leisure Homes í Englandi.

Veiði á Skagaheiði

Skagaheiði er stórkostlegt land sem fáir þekkja, þar er töfrandi fegurð og heillandi möguleikar  til  útivistar.  Landslagið  er  tiltölulega  lágt,  yfirleitt  undir  tvö  hundruð  metrum. Stórar klettaborgir breiða víða úr sér og í lægðum á milli þeirra eru veiði­vötnin sem vart eiga sinn líka hér á landi.

Silungs veiði á Skagaheiði

Skagaheiði með sínum mörgu vötnum bíður uppá stórkostlegar veiði upplifanir árið um kring.

Jón Garðar er einn af þeim sem stundað hefur heiðina á öllum árstímum og gjörþekkir aðstæður hvort heldur það er vetur, sumar, vor eða haust.

Skotveiði á Skagaheiði

Skotveiði á Skagaheiði hvort sem er rjúpa eða gæs er líka möguleiki og á haustin er hægt að fara í kombí veiði á silung og gæs ef menn eru spenntir fyrir því.

Ýtið á myndirnar

Miklu meira en veiðivötnin

Skaginn er einn af útvörðum Íslands til norðurs og ber mörg einkenni þess. Gróður­far á svæðinu ber víða vott hinna norðlægu slóða þar sem skiptast á gróðurlitlir malar ásar og gróðursælir dalir, hvilftir og lautir. Fjölbreytileiki gróðurtegunda er mikill, allt frá elftingum og skófum upp í fjalldrapa og hrís. Við ströndina eru brim­sorfnir klettar og björg. Má þar nefna Króksbjarg, Kálfshamarsvík og Ketubjörg. Inni í landi eru veiðivötnin, mosagrónar klettaborgir, stórkostlegt útsýni til þriggja höfuð­átta en í norður er eilífðarútsærinn.

Fuglalíf á hinum víðáttumiklu heiðalöndum á Skaga, svo og á vötnum og tjörn­um er mjög fjölskrúðugt og þar má finna fjölda fuglategunda. Þar verpa margar tegundir mó fugla, vaðfugla og spörfugla og auðvitað vaka ránfuglarnir síðan yfir og eiga sér sína laupa, óðul og veiðisvæði. Á góðviðrisdögum ómar Skaginn og Skaga­heiðin af sam söng þessara íbúa náttúrunnar.

Sagan og fortíðin eiga sér líka sína fulltrúa inni á heiðinni. Þar má finna rústir smá býla og selja. Slóðirnar að þeim eru orðnar grónar og einungis farnar af bú­fénaði og stöku ferðalangi en voru áður hluti þjóðleiða milli héraða. Sögurnar sem landið geymir eru fjölmargar af ferðum þeirra sem götuna tróðu, sigrum og ósigrum. Sumar hafa geymst og verið ritaðar, aðrar eru horfnar eins og þeir sem kotin byggðu.

Bæði þjóðsögur og örnefni eiga sér samastað á Skaga. Sumar tengjast veiði­vötnum og hafa kannski verið sagðar til skemmtunar og til að skapa spennu í til­veruna. Í Kambadal upp af Hrafndal er til dæmis lítil tjörn sem heitir Skrímslatjörn. Sagan hermir að þar búi ógurlegt skrímsli sem eigi sér undirgöng og geti líka komið upp í tjörn lengst úti á Skaga. Munnmæli segja frá því að nykur hafi verið í Torf dals­vatni og verið fólki varasamur. Sagnir eru til um loðsilung sem varð fólki að aldur­tila á Kaldrana. Ekki má nefna þjóðsögur á Skaga án þess að minnast á tröll konuna Kólku sem réri á steinnökkva sínum frá Höfnum og svalg allt vatn úr Kólku tjörn, með öllum kvikindum sem í því voru, eftir að hafa róið að landi í óveðri með báta tvo í togi.

Veðurfar á Skaga ber öll einkenni hinna norðlægu slóða. Snögg veðrabrigði geta orðið og góðviðrisdagur breyst með stuttum fyrirvara í storm með regni eða snjó­komu eftir árstíðum. Köld þokan læðist stöku sinnum inn með norðanáttinni en fer oft ekki fjarri sjó. Allt þetta verður sá sem fer um Skagann og heiðina að skoða og virða því náttúran getur verið óvægin ef óvarlega er farið.

Texti frá bækling "Veiði á Skagaheiði"
Útgefandi: Róbert Freyr Gunnarsson, Skagaströnd 2012
Ritstjórn: Sigurður Sigurðarson
Ráðgjöf og aðstoð: Ingibergur Guðmundsson, Magnús B. Jónsson, Bjarni Jónsson